قاعدة صحاب ولا عمرها تتعوض
ولا تتنسى ..
ندى للهموم ضهرنا
ونقول للايام اخرسى
نقعد متجمعين مع بعضنا
نحكى ونضحك على حلم بيضمنا
امانينا ف الهوا طايره
واحلامنا مفرودة .. على ترابيزة بتلمنا
....
ضحكاتنا فى السما تعلا وترجها
مايهمناش فى الدنيا حاجة غير شكلها
مع بعض ننسى مرارة الدنيا
و ف ورقة ذكرياتنا نلم الهموم ونلفها
والقدر مهما يحاول يفرقنا
زى مايكون لينا حاسد
هنفضل متجمعين
مش هننقص واحد
....
هنا تفاحة وهناك كنتالوب
غير أللى يا ذوق .. وكله بالحب
وانا ماليش ف الدخان
اللى يهمنى قهوتى ف فنجان
وساعات باخد العناب ف شوب
....
فى الشروق والغروب بنتلاقى
وكل وقت وقت فى عمرنا
ماشيين عالطريق بندور على حلمنا
ماشيين بنسلى وقتنا
نسرح يمين ونسرح شمال
نبص على بنت ماشية هنا وهنا
ليالينا اجمل ليالى
احنا الصحاب ومين قدنا
لا هموم بتغلبنا ولا بنات تفرقنا
ولا ايام صعبة تهدنا
مالناش ف الندالة والجو الزبالة
والجدعنة مبدأنا وعرفنا
الاخوات دلعنا والحبايب اسمنا
ياعمر كتر ليالينا
وياقدر بالخير اكتبلنا
وتفضل ساعاتنا تتمدد
وايامنا تطول من السنه للسنه
حتى لو الناس سابتنا
هنفضل مكانا وحدنا
وحكاياتنا هتفضل تتحكى
واحنا متجمعين
على ترابيزة بتلمنا ,,,
....
الشاعر/ خالد عيد
فى الشروق والغروب بنتلاقى
وكل وقت وقت فى عمرنا
ماشيين عالطريق بندور على حلمنا
ماشيين بنسلى وقتنا
نسرح يمين ونسرح شمال
نبص على بنت ماشية هنا وهنا
ليالينا اجمل ليالى
احنا الصحاب ومين قدنا
لا هموم بتغلبنا ولا بنات تفرقنا
ولا ايام صعبة تهدنا
مالناش ف الندالة والجو الزبالة
والجدعنة مبدأنا وعرفنا
الاخوات دلعنا والحبايب اسمنا
ياعمر كتر ليالينا
وياقدر بالخير اكتبلنا
وتفضل ساعاتنا تتمدد
وايامنا تطول من السنه للسنه
حتى لو الناس سابتنا
هنفضل مكانا وحدنا
وحكاياتنا هتفضل تتحكى
واحنا متجمعين
على ترابيزة بتلمنا ,,,
....
الشاعر/ خالد عيد
ليست هناك تعليقات:
إرسال تعليق